رسالة ليك......

رسالة ليك....يا صاحب الأخلاق..أنا عارف انك حاسس بغربة وسطيهم. . أنا لقيت نفسي متضايق قولت أفكر نفسي و أفكرك انك متضايقش... قريب هنتجمع مع اللي زينا و هنفرح كلنا..و لو ده محصلش في الدنيا هيحصل في الاخره. مهما ضاقت بيك الدنيا و قرفت من اللي حواليك افتكر ان ديه مش الاخره و مش ده مكان الملايكه. أنا و انت مخلوقين علشان نعيش معاهم و نغير نفسنا و نغير فيهم. اطلع بره المشاكل و بص من فوق..هتلاقي ان اللي احنا فيه أنا و انت ده طبيعي. طبيعي انهم يعملوا كده و طبيعي اننا نبقى متضايقين منهم و من كل حاجة لكن لازم أنا وانت نفتكر دايما اننا لازم نفضل زي ماحنا و لازم نبقى فاكرين ان ده طبيعي و اننا مستنيين نكسب فيها أو نموت و نكسب براها. نفسي أتجمع معاك فيها أو براها....هشوفك قريب انت و كل اللي زينا......بحبك في الله.  لو حد منهم كتب تعليق معجبكش برضوا متضايقش..الرسالة أصلا مش ليهم..ديه ليا و ليك و للي شبهنا بس...صحيح أنا مش عايزك انت كمان تكتبلي تعليق..أنا عايزك بس تعرف اني حاسس بيك و مستني اننا نتجمع قريب.

طبيعي اننا نبقى متضايقين منهم و من كل حاجة لكن لازم أنا وانت نفتكر دايما اننا لازم نفضل زي ماحنا